Filmi më realist dhe më i bukur i pas viteve 90

Filmi më realist dhe më i bukur i pas viteve 90

Timo Flloko u nderua me Kupen e Festivalit te Dhjete te Filmit Shqiptar qe u zhvillua nga 10-13 maj 1995, per rolin e Agronit, ndersa regjisori S. Kumbaro dhe piktori A. Basha u nderua me Medalje per komponentet.

Filmi “Vdekja e kalit” është prodhuar në vitin 1992. Regjia: Saimir Kumbaro, Skenari: Nexhati Tafa, Producent: Albafilm Studio , Muzika: Rene Aubry.

Në 1975 një gjeneral i njohur i ushtrisë shqiptare, i cili kishte ngritur fermën e parë të kuajve në Shqipëri, u dënua me vdekje për grushtin e shtetit “puçist”.

Pas dënimit të të gjithë të implikuarve në grushtin e shtetit, kalohet në zhdukjen e çdo lloj vepre për të cilën mund të mbajnë meritë “puçistët”. Kjo shënon fillimin e ekzekutimit të kuajve.

Bëhet fjalë për kuajt e racës Arba. Agroni (protagonisti) shpëton një kalë dhe për këtë dënohet nga gjyqi ushtarak.

Hapesire e Sponsorizuar

Pas kësaj jeta e tij fillon të copëtohet. E shoqja, nën presionin e prindërve dhe motrës, kërkon divorcin dhe aborton fëmijën që priste. Për pasojë vdes nga një hemorragji, pasi aborti ishte kryer në mënyrë klandestine.

Mbas përmbysjes së sistemit, të dënuarit politikë lirohen dhe Agroni, të cilin nuk e pret askush te dera e burgut, kërkon prindërit në shtëpinë ku banonin por mëson se i kanë internuar menjëherë pas dënimit të tij. Më në fund takon “xhelatin” e tij, që në sistemin e ri ka bërë përsëri karrierë dhe është zgjedhur deputet.

Filmi mbyllet me protagonistin “në rrugë të madhe” dhe antagonistin duke ngjitur shkallët. Ky është filmi i parë shqiptar që ve në dukje anët negative të sistemit komunist për shoqërinë shqiptare.

Ai përfaqëson një nga pasqyrimet më realiste të përndjekjes politike gjatë Diktaturës së Proletariatit në Shqipëri.

Ngjarjet e këtij filmi janë zhvilluar në Shkodër dhe në Tiranë.

Aktorët
Timo Flloko
Rajmonda Bulku
Tinka Kurti
Fitim Makashi
Niko Kanxheri

Përgatiti dhe përshtati për faqen Na Ishte Dikur M.L.