26 gusht 1682 – Vëzhgimi i parë i kometës së Halley-t
Më 26 gusht 1682, astronomi anglez Edmond Halley (1656 – 1742) vëzhgoi për herë të parë kometën, e cila më vonë do të mbante emrin e tij – Kometën Halley.
Halley ishte një nga astronomët më të shquar të shekullit XVII, i cili, pas studimeve dhe krahasimeve të kujdesshme të të dhënave historike të vëzhgimeve të kometave, arriti në përfundimin se kometat e vëzhguara në vitet 1531, 1607 dhe 1682 ishin në fakt e njëjta kometë, që rikthehej periodikisht.
Ai parashikoi rikthimin e saj në vitin 1758 – edhe pse vetë nuk jetoi për ta parë, parashikimi i tij rezultoi i saktë, duke i dhënë kështu atij famë të përjetshme.
Kjo kometë është e dukshme nga Toka çdo 75–76 vjet dhe është ndoshta më e famshmja në historinë e astronomisë. Kometën e Halley-t e kanë parë e përshkruar shumë qytetërime nëpër shekuj, që nga kinezët e lashtë, arabët, evropianët mesjetarë e deri te astronomët modernë.
Kometën Halley njerëzimi e ka parë së fundmi në vitin 1986, ndërsa pritet të rikthehet në vitin 2061./Na Ishte Dikur
